پاکستانی امپائر علیم ڈار نے عالمی ریکارڈ بنا ڈالا

0
118

لاہور: پاکستان کے مایہ ناز امپائر علیم ڈار نے ون ڈے کرکٹ میں 210 میچ سپروائز کرکے عالمیریکارڈ بنا لیا۔یوں باصلاحیت امپائر علیم ڈار نے ایک اور اعزاز اپنے نام کرلیا، انہوں نے ون ڈے میں ریکارڈ210 میچ سپروائز کرکے عالمی ریکارڈ بنا یا ہے۔راولپنڈی میں پاکستان اور زمبابوے کے درمیان دوسرا ون ڈے علیم ڈار کے کیرئیرکا دو سو دسواں ون ڈے ہے۔ انہوں نے جنوبی افریقی امپائرروڈی کرٹزن کا دوسونو میچ س±پروائز کرنے کا عالمی ریکارڈ توڑا ہے۔علیم ڈار نے بڑا اعزاز حاصل کرنے پر پاکستان کرکٹ بورڈ کا بھی شکریہ ادا کیا۔ ان کا کہنا تھا کہ ریکارڈ بنانے پر بہت خوشی ہے۔ اہلخانہ، پی سی بی اور مداحوں کو شکریہ ادا کرتا ہوں، آپ کی سپورٹ کے بغیریہ کامیابی ناممکن تھی۔اس سے قبل 12 دسمبر 2019 کو پاکستانی امپائر علیم ڈار ٹیسٹ کرکٹ میں سب سے زیادہ میچ سپروائز کرنے والے امپائر بنے تھے، علیم ڈار نے ویسٹ انڈیز کے اسٹیو بکنر کا سب سے زیادہ ٹیسٹ میچوں میں امپائرنگ کرنے کا ریکارڈ توڑ کر یہ اعزاز اپنے نام کیا تھا۔واضح رہے کہ علیم ڈار تین مرتبہ آئی سی سی کے بہترین امپائر کا ایوارڈ بھی جیت چکے ہیں۔علیم ڈار کو سب سے زیادہ 46 ٹی ٹوینٹی میچز میں بھی ذمہ داریاں نبھانے کا اعزاز حاصل ہے۔

LEAVE A REPLY

Please enter your comment!
Please enter your name here